Promotori i boksit, Eddie Hearn ka dhënë disa komente ku ka krahasuar Anthony Joshua me Tyson Fury.

Hearn beson se Josuha është një yll më i madh sesa Fury, përkundër se AJ ka pësuar dy humbje së fundmi; një nga Andy Ruiz JR dhe një nga Oleksandr Usyk.

“Tyson Fury nuk është më i madhi në boks, AJ është akoma”, ka thënë Hearn, transmeton lajmi.net. “Por, po – ai është yll i madh”, shtoi ai.

“Unë jam besnik ndaj AJ, dhe mendoj se Fury e dinte këtë edhe kur negocioja për të kur ishte në momentet e tij të këqija. Ai e dinte se AJ do të ishte numri 1 për mua”, shtoi promotori britanik.

AJ do të ketë një përballje me Oleksandr Usyk në tentim për të rimarrë titujt e tij, ndërsa Fury vazhdon të jetë praktikisht i pensionuar nga boksi. E vetmja mënyrë që ky i fundit të kthehet në ring është nëse Joshua fiton titujt ndaj Usyk dhe luftojnë për unifikim titujsh. /Lajmi.net/